Бүгүҥҥү туругунан, Мииринэй инфекционнай балыыһатыгар сытааччы ахсаана 80 киһиттэн лаппа таҕыста.
Олортон, 49 киһи – инфекционнай балыыһа стационарыгар, отуттан тахса киһи — кэтээн көрүүгэ уонна анаалыстарын бигэргэтиигэ – провизор салаатыгар сыталлар.
Инфекционнай балыыһа реанимациятыгар сытааччы үс киһи туруга ыарахан.Дьолго, кинилэри ИВЛ аппараатыгар холбуу иликтэр.
40 киһи, ковид-19 ыарыыга анаалыстара бигэргэтиллибит, ол эрэн ыарыы сибикитэ удаханнык суох, туруктара ама буолан дьиэлэригэр олороллор.Эмтэниини амбулаторнай ньыманан ылаллар.
Эпидемиология уонна гигиена Мииринэйдээҕи Киинин кылаабынай бырааһа Алена Франк «Алмаастаах кыраай» теле-араадьыйа хампаанньаҕа иһитиннэрбитинэн, Мииринэй ХБКтын «Интернациональнай» руднигын биэс шахтера «ковид-19»-нан ыалдьыбыттара билиннэ.11 “Интер” үлэһитэ, хоруона хамсыгар анаалыстара иммунологическай лабораториянан бигэргэтиллэрин күүтэллэр.
Онон, Мииринэй куоратын устун, хоруона хамсыгын утары дьаһаллар сымнаабыттарын, быраабыланы кэһии түмүгэр, ыарыһах ахсаана үксүү турар.
Станислав Алексеев. Мииринэй куората. МЦРБ саайтыттан хаартыска.
