Войти

Войти

Ил Дархан Айсен Николаев сарсыардааҥҥы брифинигэр Саха сиригэр хоруона хамсыгын балаһыанньатын билиһиннэрдэ.

— Уопсайа бу хоруона хамсыгын кэмигэр Саха сиригэр 4013 киһи сутулунна. Ааспыт сыкка устатыгар 50 саҥа коронавирустаабыт киһи булулунна: 50 ыарыһах – Дьокуускайга, икки – Мииринэйгэ уонна биирдиилээн улуустага бэлиэтэнэр. Ыам ыйын 21 күнүттэн бу саамай намыһах көрдөрүү. Ити хааччахтааһын миэрэлэрэ түмүктэри биэрбитин көрдөрөр. Хамсык арыый намтаан эрэр, ол да буоллар уоскуйан үөһэ өрө тыынарбыт өссө да эрдэ. Абый уонна Өлөөн улуустарыгар бастакы ыарыһахтар бааллара бигэргэннэ. Онно Дьокуускайтан ыарыыны таспыттар. Мииринэйгэ “Интернациональнай” рудникка ыарыы көрдүгэннээтэ. Билигин онно шахта үлэтэ тохтотулунна, үлэһиттэр ол да буоллар хамнастарны аахса олороллор. Оперативнай штаб мунньаҕын кэннэ Саха сиригэр хоруона хамсыгынан ылыллыбыт хааччахтары от ыйын 1 күнүгэр дылы уһаттыбыт. Өскөтүн ити кэмҥэ балаһыанньабыт тубустаҕына хааччахтары уһулуу иккис түһүмэҕэр киириэхпит. Билиҥҥитэ ирдэбилгэ кыайан эппиэттэспэппит. Ыарыы тарҕаныытын коэффициенэ 0,8 арыый үрдүк.

Бэс ыйын 26 күнүнээҕи туругунан, Саха сиригэр 4013 киһи коронавирустаабыт, 2906 киһи үтүөрбүт. Билигин 33 киһи ыарахан туруктаах сытар.

Тарҕат:

Добавить комментарий