Войти

Войти

Алмаастаах кыраай киин куоратыттан – Мииринэйтэн Дьокуускайга дылы көтөн кэлэр биэнсийэлээхтэргэ чэпчэтии букатын көрүллүбэт. Субсидия туһунан ким эмэ туруорсубутун өйдөөбөппүн.

Оттон Мииринэйтэн Иркутскайга көтөр биэнсийэлээхтэргэ хара маҥнайгыттан субсидия көрүллэр. Дьахталларга – 55, эр дьоҥҥо – 60 саастарыттан. Иркутскай куоракка диэри - 2.865 солк. эрэ төлүүллэр. Оччо харчыны Мииринэйтэн Сунтаардыыр таксыыга төлөөччүлэр. Дьэ, сүрдээх!

Оттон атын субсидиялаах авиабилет Мииринэйтэн Краснодарга диэри баар. Дьахталларга – 55, эр дьоннорго – 60 саастарыттан. Авиабилет сыаната – 7.000 солк. Эчи хаарыаны, эрэ диирбитигэр тиийэбит.

Авиация тиэмэтигэр даҕатан эттэххэ, Мииринэйтэн Хабаровскайдыыр авиарейсэни эмиэ суох оҥордулар. Хаһыс да төгүлүн. Аны, саҥа аэропуорпут, тутуллара-тутуллубата –боппуруос. Тендер биллэриллибитигэр ким да кыттыыны ылбата.

Ити курдук, авиациябыт сайдарын оннугар кэҕиннэр кэхтэн иһэр.

Станислав Алексеев, Мииринэй куората.

 

Тарҕат:

Добавить комментарий