Саха сирин колледжтарыгар, техникумнарыгар уонна үрдүк үөрэҕин кыһаларыгар үөрэххэ туттарсарга быйыл булгуччулаах мэдэссиинэ көрүүтүн ааһыы уонна ФЛГ түмүктээх 086/у формалаах ыспыраапка ирдэммэт диэн үөрэх министиэристибэтин пресс-сулууспата иһитиннэрэр.
“Бачча хамсык кэмигэр доруобуйаны толук ууран туран ыспыраапка ылаары уочараттыыр наадата суох”, - диэн министиэристибэ социальнай ситимнэринэн тарҕаммыт быйылгы выпускниктар балыыһаларга уочараттаан турар хаартыскаларын, видеоҕа устуулары кэммэнтээрийдиир.
Хоруона хамсыгынан сибээстээн, быйыл мэдэссиинэ ыспыраапкатын туттарсарга буолбакка, үөрэххэ киирбиттэрин кэннэ, сыл устата ааһыахтарын сөп.
Быйыл орто анал үөрэххэ туттарсыыга докумуоннары электроннайынан, үөрэх өҥөтүн порталыгар ылыллар. Сиһилии 50-60-44.
