“Билиҥҥи Арассыыйаҕа саамай ирдэнэр идэлэр: медик, педагог уонна IT-исписэлиис”, — диир РФ үөрэҕин уонна билимин миниистирэ Валерий Фальков.
Кини этэринэн, аан дойдуга барытыгар да бу идэлэр саамай наадалаахтарынан ааҕыллаллар. Оттон “саамай-саамай” ирдэнэр дэписиит идэ – дааннайы анаалыстааччы (аналитик данных).
Миниистир этэринэн, инженер идэтэ төһө да “саамай наадалаахтар” кэккэлэригэр киирбэтэр, инженер үөрэҕэр киирбит эдэр дьон бары үлэни кэбэҕэстик булаллар эбит. Инженер идэтигэр үөрэтэр саамай биллиилээх үөрэх кыһалара: Бауман аатынан МГТУ, МИФИ, МФТИ, УрФУ, Томскайдааҕы политех...
Ону таһынан, бу үөрэх кыһаларын бүтэрбит эдэр дьон ханна баҕарар “былдьаһыгынан бараллар”: МГУ, СПГУ, МГИМО, Экэниэмикэ үрдүкү оскуолата, Үп университета, МИСиС, Новосибирскайдааҕы ГТУ уо.д.а.
