Войти

Войти

Бүгүн нуучча литэрэтиирэтигэр, информатикаҕа уонна географияҕа бастакы СКЭни Саха сириттэн 824 выпускник туттарда. Бу туһунан үөрэх министиэристибэтин пресс-сулууспата иһитиннэрэр.

“Дьокуускай куоракка 9 эксээмэни тутар пуун үлэлээтэ. Литэрэтиирэни – 308, информатиканы – 470, оттон географияны – 46 выпускник туттарар баҕалааҕын биллэрбитэ. Уопсайа өрөспүүбүлүкэ үрдүнэн 1978 киһи СКЭни туттарда”, - диэн пресс-сулууспа иһитиннэрэр. Эксээмэни тутууга Роспотребнадзор ирдэбилэ күүскэ тутуһуллубут: социальнай дистанцияны тутуһар бэлиэлэр ууруллубуттар, эксээмэни тутар пууҥҥа киирээччилэри ырааҕынан температураларын мээрэйдээбиттэр, докумуоннарын ыраахтан бэрэбиэркэлээбиттэр. Аудиторияларга салгыны ыраастыыр тэрил, антисептик ууруллубут.

Тарҕат:

Добавить комментарий