Дьокуускайдааҕы өрөспүүбүлүкэ клиническэй балыыһатын ковиднай салаатыттан 97 саастаах, Аҕа Дойду Улуу сэриитин кыттыылааҕын Алексей Березкины коронавирустан толору үтүөрбүтүн кэннэ таһаардылар.
Бу туһунан балыыһа Инстаграмҥа сирэйигэр суруллар. Балыыһа кылаабынай бырааһа Николай Васильев этэринэн, саастаах ыарыһах балыыһаҕа икки нэдиэлэ анараа өттүгэр, тыҥата 50% сиэтиллэн киирбит. Ыарыһах туруга ыарахан эбит, маны таһынан сүрэҕэ, тымырдара ыалдьар эбит. Билигин бэтэрээн тыҥата 20 бырыһыан сиэтиллибит, кинини дьиэтигэр салгыы эмтиэхтэрэ.
Маны таһынан, бэтэрээни кытары эмиэ ыарахан туруктаах киирбит кини кыыһа үтүөрэн тахсыбыт.
