Войти

Войти

Быйыл сайын бары көрүҥ хаһаайыстыбалар быйыл уопсайа холбоон 471,5 тыһ. т, 16,1 тыһ. т сенаһы уонна 25,6 тыһ т сиилэһи бэлэмниир былааннаахтар. Сабаҕалаан көрүү быһыытынан, итинтэн 423,8 тыһ. туоннатын оттоон, былаан 90% туолуох курдук.

Ити иһигэр мобильнай биригээдэлэр 21,9 тыһ. т соҕотуопкалыахтаахтар. Киин улуустарга икки атахтаахтан тутулуга суох төрүөтүнэн от үүнүүтэ, элбэх сыллаах от, туорахтаах култуура үүнүүтэ мөлтөх буолар чинчилээх. Ленскэй, Бүлүү сүнньүнээҕи улуустарга ыйдааҕы орто сөҥүү нуорматын 1.2-2.5 төгүл куоһарар ардах, сороҕо тобурахтаах, түстэ. Кэккэ ходуһа ууга барда. Оттон Абый, Халыма үс улууһугар уонна Эбээн Бытантайга тыа умайыыта тахсыбыта туһунан мучумааны үөскэттэ.

ТХМ улуус баһылыктарыгар сүөһү аһын бэлэмигэр кыалларынан элбэх мобильнай биригээни дэрийэллэригэр, уматык төлөбүрүгэр уһатан төлөһүүнү күүскэ киллэрэллэригэр сүбэлиир. Тыа хаһаайыстыбатын табаары оҥорооччуларыгар “Туймаада-ньиэп” НК АУо ГСМ-ы балаҕан ыйыгар диэри төлөһөргө биэрэрин санаттылар.

Сабаҕалаан ааҕыынан, 16.8 тыһ. т от тиийиэ суох чинчилээх. Итинтэн илин эҥээр улуустарга – 11 тыһ. т (65%). От тиийбэт кэккэ чааһын саппаас от суотугар быһаарарга суоттаналлар.

Ордук эмсэҕэлээбит улуустарга анаан Кэбээйи улууһа – 670 т, Абый – 300 т, Ньурба – 1500 т, Сунтаар – 1000 т, Хаҥалас – 500, Үөһээ Бүлүү 3000 т саппаас оту бэлэмниир былааны ылыммыттар.

Быһата, сайыҥҥы былдьаһыктаах күннэргэ тэрээһин үлэтэ күүстээх эрэ түгэнигэр от тиийбэт кыһалҕата быһаарыллар кыахтаах.

Тарҕат:

Добавить комментарий