Войти

Войти

Сарсыардааҥҥы брифинг кэмигэр вице-премьер Ольга Балабкина өрөспүүбүлүкэҕэ хоруона хамсыгын тула балаһыанньаны билиһиннэрдэ.

-- Балаһыанньа сол да уустук. Роспотребнадзор дааннайдарынан, суукка устатыгар Саха сиригэр 58 киһи эбии коронавирустаата. Олортон 49 ыарыһах Дьокуускайга бигэргэннэ. Ааспыт күннэрдээҕэр кыратык эбилиннэ, ол эрээри барыта хонтуруолланар кыахтаах, эпидемиологтар алтыспыт дьонун эҥин толору билэллэр. Мииринэйгэ, Нерюнгрига, Мэҥэ Хаҥаласка иккилии киһи, оттон Дьааҥы, Нам уонна Уус Алдан улуустарыгар биирдии киһи сутуллубута билиннэ. Уопсайа хамсык кэмиттэн 4656 киһи ыарыйда (Дьокуускайга – 3674). 88 киһи үтүөрдэ, биир киһи өллө.

Дьон анаалыһы ылбаттар эҥин диир эбит, ити олох оруна суох. Биһиги саамай элбэх анаалыһы оҥоро олоробут. 11 лабораториялаахпыт, ону таһынан кэккэ балыыһалар эмиэ оҥорор буоллулар. Суукка устатыгар 2802 анаалыһы оҥордубут, уопсайа 246 512 тест оҥоһулунна. Дьааҥы улууһугар бүгүн өрөспүүбүлүкэ сүрүн онколога көттө, мантан киэһэ балаһыанньаны билсэн баран биллэриэҕэ. Билигин улуустарга куораттан ыарыыны таһыы бэлиэтэнэр. 8,5 тыһ. тахса оҕо тыаҕа сынньалаҥҥа барда, онон төрөппүттэр болҕомтолоох буолуҥ. Хоту улуустарга 22 лааҕыр үлэлиир, онно эпидемиологическэй балаһыанньа сынньалаҥы тэрийэргэ кыаҕы биэрэр.

Тарҕат:

Добавить комментарий