Войти

Войти

Ааспыт суукка устатыгар Саха сиригэр коронавирустаабыт киһи ахсаана 58-нан элбээтэ. Бу туһунан вице-премьер Ольга Балабкина иһитиннэрдэ.

--  41 киһи Дьокуускайга ыарыйда, сэттэ киһи Мэҥэ Хаҥаласка ыалдьыбыттара бигэргэннэ. Алдан оройуонугар эбии 4 киһи ыалдьыбыт. Икки ыарыһаҕы – Чурапчыга, уонна биирдии ыарыһах Булуҥҥа, Ленскэйгэ, Нерюнгрига, Хаҥаласка буллулар.
 
Ольга Балбакина Булуҥ улууһугар ыарыы тиийбититтэн дьиксиннэ. Кини “хоту улуустарга болҕомто улаханнык ууруллубута, ол да буоллар итиччэ ыраахха ыарыы тиийдэ. Ити барыта саньытаарынай ирдэбили тутуспаттан таҕыста”, - диир. Дьон маассабайдык ыалдьыбыт Томмоттооҕу психоневрологическэй диспансерыгар медиктэр биригээдэлэрин күүһүрдүбүттэр.
 
Дьокуускайга инфекционнай стационар 11 эмтиир тэрилтэҕэ баарын, онно билиҥҥитэ 500-чэ ыарыһах эмтэнэрин эттэ. Атыттар тастан эмтэнэллэр. Ыарыһахтар улахан аҥаардара туох да биллэр сибикитэ суох, чэпчэкитик ыалдьаллар. Оттон ыарыыта бэргээтэ да тута балыыһаҕа симэллэр эбит. Оттон ыар ыарыһахтары Дьокуускайдааҕы өрөспүүбүлүкэ клиническэй балыыһатыгар угаллар. Билигин анаалыс түмүгүн кэтэһэр кэми кыччатар туһунан толкуйдууллар.
 
Суукка устатыгар 108 киһи үтүөрэн таҕыста.
 
Тарҕат:

Добавить комментарий