Войти

Войти

От ыйын 1 күнүгэр Арассыыйа Төрүт сокуонугар уларытыылары киллэриигэ куоластаабыппыт. Ол уларытыылары дойду 77,92 бырыһыан быыбардааччыта өйөөбүтэ. Официальнай дааннайынан, куоластааһыҥҥа дойду быыбардааччытын 67,88 %-на кыттыбыт. Уларытыыларга нуучча тылын РФ норуоттарыгар судаарыстыбаны төрүттүүр тылынан ылынар туһунан балаһыанньа баар.

Аҕыйах хонуктааҕыта Татарстан судаарыстыбаннай мунньаҕын (Госсовет РТ) дьокутаата Ркаиль Зайдулла олохтоох парламент 11-с ыҥырыылаах мунньаҕар “татаар тылын Татарстан норуоттарын судаарыстыбаны төрүттүүр тылынан билиниэххэ, ону өрөспүүбүлүкэбит Төрүт сокуонугар киллэриэхэ”,- диэн этиини киллэрбит. Кини “Татарстан Өрөспүүбүлүкэтин Төрүт сокунун 8-с эбэтэр 91-с ыстатыйатыгар уларытыылары киллэриэххэ, оччоҕуна татаар тыла судаарыстыбаны төрүттүүр тыл быһыытынан уларыйар, ол биһиги тылбыт позициятын быдан үрдэтиэ этэ” диир.

Маны таһынан, Ркаиль Зайдулла парламент спикерин Фарид Мухаметшины уонна кэллиэгэлэрин тыл этэллэригэр татаар тылынан элбэхтэ саҥаралларыгар ыҥырбыт, итиэннэ Татарстан бэрэсидьиэнигэр кандидат чахчы татаар тылын билэрин быһаарар механизмы оҥорор уолдьаспытын эппит.

Бу иннинэ ЛДПРтан Татарстан бэрэсидьиэнигэр кандидат Владимир Сурчилов “Татарстан бэрэсидьиэнигэр кандидат хайаан да татаар тылын билиэхтээх диэн буолуо суохтаах” диэбиттээх. Санатар буоллахха, бу иннинэ Татарстан баһылыга Рустам Минниханов өрөспүүбүлүкэ бастакы бэрэсидьиэнэ, билигин судаарыстыбаннай сүбэһиттэрэ Минтимер Шаймиев “парламеммытыгар төрөөбүт тылбытын өйүүр сис кэмитиэти эбэтэр хамыыһыйаны тэрийиэххэ” диэн этиитин өйөөбүтэ уонна парламент спикеригэр ити боппуруоһу түргэнник быһаарарга сорудхтаабыта.

Тарҕат:

Добавить комментарий

Бүтэһик сонуннар