Войти

Войти

Чуолаан, Мииринэй куоратыгар, ковиднай госпитальга сытааччы ахсаана 50 киһиэхэ чугаһаата.

Провизорскай салааҕа – отучча киһи, хамсыкка ылларбыттарын ылларбатахтарын сыныйан кэтээн көрөөһүн барар. Мииринэйдээҕи иммунологическай лаборатория кэтээн көрүллэр дьон анаалыстарын бигэргэтэ Дьокуускайга ыытар. Провизорскай салааттан анаалыстара хоруона хамсыгар иккис төгүлүн бигэргэтиллибэтэх дьону уонча күнүнэн дьиэлэригэр ыыталыыллар. “Кыһыл ковиднай” лиинньийэ хамсыкка хаптарбыттары уонна провизорскай салааны биир эрэ аанынан араарар. Бары – инфекционнай стационар үһүс этээһигэр сыталлар.Хомойуох иһин, дьон сэбиргэхтэтэн ыалдьан, балыыһаҕа күннэтэ киирэ тураллар. Мииринэй куоратыгар бары обсерватордар үлэлии олороллор. Манна киирээччи ахсаана эмиэ аҕыйаҕа суох. Обсерватордарга аны дьиэ хомуйааччы боппуруоһа тиҥээн турда. Олорго дьиэ хомуйааччынан барартан дьон аккаастанар буолбуттар. Мииринэй куорат туһунан этэр буоллахха, «Юбилейнай» атыы-эргиэн тиһигэ, бородуукта уонна табаар маҕаһыыннара, почталар, аптекалар, Энергосбыт, РКЦ, бааннар үлэлээбиттэрин курдук үлэлии олороллор. Үгүс ахсааннаах эрэстэрээннэр, кафелар, чайхана, познайдар уонна шаурма оҥороочулар аһылыгы дьиэҕэ тириэрдиинэн дьарыктаналлар. Бу көрүҥ Мииринэйгэ кэлин балай да сайынна. Атыылааччылар да дохуоттарын улаханнык сүтэрэ иликтэр.Соторутааҕыта «Якутский торговый дом» кэмниэ-кэнэҕэс аһылынна. Ону кытары биир суотабай оператор салона аанын тэлэччи аста. Куорат устун бары спортивнай былаһааккалар аһаҕастар. Ыччат олорго мустан успуордунан дьарыктанар. Куоракка дьону тутуу-хабыы, уулуссаларга бэрэбиэркэ төрүт суох. Дьон таптаабыттарынан тыаҕа шашлыктыыллар, Чуоналыырга сөтүөлүүллэр.Онон, олох бэйэтин дьаалатынан барар.Арай Мииринэй балыыһатын эмчиттэрэ үгүс ноҕуруускалары көрсөллөр. Хоруона хамсыгын кытары быһаччы охсуһар салааҕа инфекционистар, быйыл сааскыттан ылата, дьиэлэригэр бара иликтэр. Сылайыы-элэйии да баар. Мииринэйгэ хоруона хамсыгын куттала ончу кыччаабата. Сэрэннэххэ сатанар.

 

Станислав Алексеев. Мииринэй куората.

 

 

 

 

Тарҕат:

Добавить комментарий