Нуучча тылын СКЭтигэр (ЕГЭ) Саха сириттэн 19 выпускник саамай үрдүк баалга суруйбута билиннэ. Бу туһунан үөрэх министиэристибэтин пресс-сулууспата иһитиннэрэр.
Ол курдук, сүүстүү баалы Дьааҥы, Горнай, Нам, Нерюнгри, Дьокуускай куорат оскуолаларын выпускниктара уонна Өрөспүүбүлүкэ лиссиэй-интернатын үөрэнээччилэрэ ылары ситистилэр. Быйыл нуучча тылын эксээмэнин икки күн: от ыйын 6 уонна 7 күннэригэр туттарбыттара.
СКЭ бастакы күнүгэр саамай элбэх выпускник – 4994 киһи 199 эксээмэни тутар пууннарга туттарбыттар. Сарсыҥҥы күнүгэр 13 пууҥҥа 713 киһи туттарбыт. Иккис күҥҥэ туттарбыттар түмүктэрин от ыйын 23 күнүгэр дылы билиэхтэрэ.
