Оборона миниистиэристибэтэҕэ Арпссыыйаҕа хоруона хамсыгын утары бастакы вакцина бэлэм буолбутун туһунан иһитиннэрдэ. Вакцинаны клиническэй тургутан көрүү этэҥҥэ түмүктэммитин туһунан миниистири бастакы солбуйааччы Руслан Цаликов кэпсээбит.
“Вакцинаны тургуппут дьон бары дьиэлэригэр этэҥҥэ таҕыстылар. Кинилэр бары коронавирустан көмүскэллээх буолбуттар. Барыларын туруктара этэҥҥэ”, - диэбит Цаликов.
КОВИД-2019 утары вакцинаны оҥорууга байыаннай исписэлиистэр уонна Гамалей аат. Национальнай чинчийэр киин үлэһиттэрэ кыттыбыттар. Бэс ыйын 30 күнүгэр дойду доруобуйаҕа харыстабылын министиэристибэтигэр саҥа препараты регистрациялыырга докумуоннары биэрбиттэрэ.
Бу иннинэ Гамалей аатынан эпидемиология уонна микробиология Киинин дириэктэрэ Александр Гинцбург саҥа вакцина иммунай систиэмэлригэр ыарахан хроническэй ыарыылаахтартан уратыларга барыларыгар сөп түбэһэрин эппитэ.
РФПИ баһылыга Дмитриев сотору кэминэн Арассыыйаҕа 40-50 мөл. киһиэхэ коронавирустан вакцинаны туруоруохтара диэн этэр. Кини бу вакцинаны бэйэтигэр туруоруммут уонна 20 күн буолан баран иммунитеттаммытын кэпсээбит.
