Войти

Войти

Дьэ, куораппыт хайдах курдук ырааһын-күөҕүн туһунан суруйан ахан биэрээхтээтим.

Кырдьык, куорат иһэ ыраас, ама туруктаах курдук. Таспыт, доҕоттор, сити хаартыскаларга көрөргүт, курдук амырыын, бөрүкүтэ суох. Сыт-сымар дьоһун.

IMG 20200726 WA0028

Хара сарсыардаттан хойут киэһэҕэ диэри, куорат тула мунньуллубут бөххө, оргулга, хаһаайыттара соҕуруу көһөллөрүгэр бырахпыт ыттара мунньусталлар.

Бродячая собака облюбовавшая близлежащие свалки

Помуойа, бөх, сытыйбыт-ымыйбыт араас оргул дэлэй. Ыттар тоттохторуна, аны ааһар дьоҥҥо суоһурҕаналлар.Бу диэки ыттар “сыбаайбалаан”, хас анаҕастаах “бырааттарын” аннараа дойдуга утаарбыттарын этэ да барбаккын.Сонно, суор-тураах, тыыраахы үссэнэр.Ити көтөрдөр, араас инфекция да тарҕатар кыахтаахтар.Чааһынай дьиэлэр уонна даачалар бөдөҥ микро-оройуоннара, тыыраахылар ас былдьаһан охсуһар хаһыыларыттан, уһуктар. Тугу гыныахтарай? Бэйэлэрэ бырахпыт бөхтөрө-оргуллара.

Оттон саамай эппиэттээх тэрилтэлэринэн олохтоох былаастар, олох-дьаһах хаһаайыстыбата буолаллар.

Кинилэр күдээринэ сыһыаннарыттан, субу сыбаалка, араас кыылы-сүөлү аһата сытар.

Кыра табалаах үрүйэтэ бөххө-сахха көмүлүннэ, сытыган оттоох аҥылахха кубулуйда.

Мииринэй чааһынай дьиэлэрдээх өттүгэр, дьон ынах, сибиинньэ, коза, куурусса да ииттэр. Бу – үчүгэй курдук.Ол эрэн, манна, хайа-аппа, мыраан-бадараан сиргэ ынах сүөһүгэ мэччирэҥ дьөрү суох.Кыра тайахтаах үрэххэ, ынах сүөһү, тугу да дуоннааҕы булан аһаабат сирэ.Чэҥкир талах, сытыган от, сүөһү батыллар кутата.

SAM 1033

Ол иһин ынахтар, куорат сыбаалкаларын кэрийэ сылдьан аһыыллар.Помуойанан, тобоҕунан-ибэҕинэн аһыыр ынах сүөһү төһө үчүгэй үүтү үрүлүтүөй?

SAM 1088

Тугу элбэҕи суруйуомуй.Көрүҥ, Мииринэй куорат кытыытын бүрэ дьүһүнүн.

Станислав Алексеев. Мииринэй куората. Ааптар хаартыскалара.

Тарҕат:

Комментарии

Tiñsiy
+6 Tiñsiy 27.07.2020 16:11
Bөkhtөrүn khomujbat jon ebit.
Ответить

Добавить комментарий