Ааспыт суукка устатыгар Саха сиригэр эбии 49 киһи коронавирустаабыта бигэргэннэ. Бу туһунан Айсен Николаев брифинг кэмигэр иһитиннэрдэ.
“Дьокуускайга 39 киһи ыарыйда, Үөһээ Бүлүүгэ – 1, үстүү ыарыһах Ленскэйгэ, Мииринэйгэ уонна Мэҥэ Хаҥаласка сутулуннулар”, - диэтэ Айсен Николаев.
Ил Дархан өрөспүүбүлүкэҕэ хоруона хамсыга аматыйан эрэрин тоһоҕолоото: кэнники күннэргэ 40-50 киһи ыалдьар. Кини Саха сирин олохтоохторун дьон тоҕуоруһар сирдэригэр сылдьалларын туттуналларыгар, мааскалаах, бэрчээккилээх сылдьыллыахтааҕын санатта, итиэннэ социальнай дистанцияны тутуһалларын эттэ. Сорох улуустарга маассабай бырааһынньыктарга – сыбаайбаларга, үбүлүөйдэргэ сутуллубуттара бигэргэммитин санатта. Онон сэрэхтээх буолуҥ.
Ааспыт суукка устатыгар 49 киһи үтүөрбүт.
