Войти

Войти

Норуоттар икки ардыларынааҕы Арктика оскуолата быйыл балаҕан ыйын 1 күнүгэр бастакы үөрэнээччилэрин көрсүөҕэ.

Саҥа оскуолаҕа оҕолору 7-с кылаастан саҕалаан үөрэтэн, 11 кылааһы түмүктэтиэхтэрэ. Дэгиттэр өйдөөх оҕо үөрэнэр, сайдар усулуобуйата оҥоһуллуо. Манна төрөөбүт тылтан саҕалаан, аҕыйаабыта иккилии омук тылын үөрэтиэхтэрэ, IT-технологияҕа, бырагыраама оҥорорго уһуйуллуохтара, араас сиэксийэлэргэ дьарыктаныахтара.

Быйылгы үөрэх дьылыгар 7-с, 8-с, 10-с кылаастарга 60-нуу оҕону талан ылыахтара. Уопсайа 2020 сылга 180 үөрэнээччи сүүмэрдэнэн киириэ.

Бэс ыйын 29 к. сайабылыанньалары тутан саҕалаабыттар. Оттон киирии эксээмэннэр атырдьах ыйын 3-9 күннэригэр былааннаммыттар. Сирэй көрсөн олорон билсии (собеседование) атырдьах ыйын 10-16 кк. буолуоҕа.

7-8 кылааска киирэргэ – англиялыы тылга, матымаатыкаҕа уонна естесственнэй биридимиэттэргэ эксээмэни ааһыахтаахтар. 10-с кылааска киириэн баҕалаахтары аангылыйа тыла, матымаатыка уонна профильнай биридимиэт эксээмэнэ күүтэр.

Тарҕат:

Добавить комментарий