Атырдьах ыйын 17 күнүгэр "Россия24" телеканаалга Дьокуускай куораттааҕы үөрэҕирии управлениетын начаалынньыга Алексей Семенов 17-с №-дээх орто оскуолаҕа кыайан баппатах бастакы кылаас үөрэнээччилэрэ Оҕо Дыбарыаһыгар үөрэниэхтэрэ диэн кэпсээбитэ.
Кистэл буолбатах,сыл ахсын Дьокуускайдааҕы 17-с №-дээх орто оскуолаҕа үөрэнээччи баппат үлүгэрэ, миэстэ тиийбэт кыһалҕата. Бу түөлбэҕэ саҥаттан саҥа дьиэ тутуллар, балысханнык кэҥиир, оттон микрооройуоҥҥа бу биир соҕотох оскуола эрэ баар. Инньэ гынан, бэрэпиискэлээх оҕолор кыайан хапсыбакка хаалаллар.
Оҕо Дыбарыаһын дириэктэрэ Мария Петрова этэринэн, билигин дыбарыас үлэтин хаҥатар, өскөтүн бу иннинэ Дыбарыаска эбии үөрэхтээһин эрэ ыытыллар эбит буоллаҕына, быйылгыттан куорат киинигэр миэстэ суох буолан, дыбарыас иһинэн алын кылаас оскуолатын арыйан эрэллэр. Билигин Дыбарыас устаабын уларыппыт, Роспотребнадзорга уонна Госпожнадзорга уонна да атын дьарайар инстацияларга докумуоннарын бэлэмнииллэр, ол кэннэ үөрэтэр лиссиэнсийэни ылыахтара. Кинилэр хонтуруоллуур уорганнар утары баран, балаҕан ыйын 1 күнүгэр дылы маҥнайгы кылаас үөрэнээччилэригэр саҥа оскуолаҕа үөрэнэллэригэр кыаҕы биэриэхтэрэ диэн эрэнэллэр. Мария Петрова бу алын кылаас 17-с №-дээх орто оскуола филиалын быһыытынан буолабакка, Оҕо Айымньытын Дыбарыаһын иһинэн туспа саҥа оскуола буоларын тоһоҕолоото.
