Войти

Войти

Бу сайын ойуур баһаарыттан, кураантан-аһыҥаттан эмсэҕэлээбит сирдээх дьоҥҥо өрөспүүбүлүкэ эрэсиэрбэҕэ пуондатыттан 26 мөлүйүөн солкуобай көмө харчыны көрүөхтэрэ. Ол туһунан СӨ Тыа хаһаайыстыбатыгар министиэристибэтин үлэһитэ Вячеслав Гаврильев “РИА Новостига” кэпсээбит.

Атырдьах ыйын 13 күнүнээҕи туругунан, Саха сиригэр окко барыта 34 тыһыынча кэриҥэ киһи үлэлии сылдьар. Барыта 298 459 гаалаах сир охсуллубут. 303 963 туонна от бэлэмнэммит – сыллааҕы былаан 64 %-на. Оттон ол былырыыҥҥыттан 17 тыһыынча туоннанан аҕыйах көрдөрүү. Исписэлиистэр былаан 90 %-на эрэ туолуо диэн сылыктыыллар. Онон сибээстээн, сүөһү дороххой аһылыгын бэлэмниир суһал биригээдэлэр үлэлиэхтэрэ. Кинилэр былааннара – 22 910 туонна от.

В.Гаврильев этэринэн, көмө харчы курааннаабытынан илин эҥээргэ (Аммаҕа, Мэҥэ Хаҥаласка, Тааттаҕа, Уус Алдаҥҥа, Чурапчыга, Уус Майдаҕа), кураан уонна аһыҥа турбутунан Намҥа уонна ууга барбыт ходуһалардаах Бүлүү улууһугар барыаҕа. Ону сэргэ анаан-минээн Үөһээ Дьааҥыга, Үөһээ Халымаҕа уонна Эбээн Бытантайга көмөлөһүөхтэрэ.

Тарҕат:

Добавить комментарий