Войти

Войти

«АЛРОСА» Эмтиир Киинин(Медцентр), Мииринэйдээҕи оройуоннай балыыһа(МЦРБ) уонна Роспотребнадзор салаатын кэнники чахчыларынан, улууска санитарнай-эпидемиологическэй балаһыанньа син-биир уустук.

Атырдьах ыйын 23 күнүнээҕи туругунан, Мииринэй инфекционнай балыыһатыгар ковиднай госпиталь реанимациятыгар икки киһи ыарахан туруктаах сытар.Биирдэстэрин туруга мөлтөөбүтүгэр суһаллык ИВЛ аппараатыгар холбоотулар.

Ковиднай госпитальга – 23, провизорскай салааҕа – 38 ыарыһах баар.

78 киһи - инфекционнай балыыһа кэтээн көрүүтүгэр амбулаторнай эмтэниигэ сылдьаллар (икки нэдиэлэ аннараа өттүгэр – 110 киһи буола сылдьыбыта).Хомойуох иһин, ааспыт нэдиэлэҕэ провизорскай отделениеҕа сыппыт ыарыһах өллө.

Аны, балаһыанньа Удачнай уонна Айхал диэки күн-түүн уустугурар. Быһаас ол диэки, хоруона хамсыга букатын суох этэ.Оттон сайын ортотуттан ыла 38 хоруона хамсыга ыарыылаах быһаарылынна.Хоруона хамсыгын дьаҥа саҕаланыаҕыттан, уопсайа Мииринэй оройуонугар 508 киһи ыалдьыбыта, лабораторнай-иммунологическай ньыманан бигэргэтилиннэ. Бу – элбэх!

Балартан балачча киһи үтүөрдэ. Соҕурууттан уоппускаҕа сылдьан баран эргиллибит дьон ахсаана элбэх. Кинилэр хоруона хамсыгын аҕалыахтарын сөп.Атырдьах ыйын онус чыыһылаларыттан ылата туох баар кафелар, эрэстэрээннэр, остолобуойдар, спортивнай стадионнар, тренажернай саалалар үлэлии олороллор. Балар арыллыбыттарын тус бэйэм тиэтэллээҕинэн аахтым.

Тоҕо диэтэххэ, дьон бэрээдэги ончу дьаалайбат. Пааркаҕа, болуоссаттарга, искибиэрдэргэ – киһи толору. “Самоизоляция”, “Сидим дома” диэн ыҥырыылар халтай буолан таҕыстылар. Дьон таһырдьа мааската, харыстанар маарылата суох сылдьаллар. Маҕаһыыннарга мааската суох тоҕо анньан киирэллэр. Социальнай дистанцияны билиммэттэр. Антисептигынан туһамматтар.

Мииринэй оройуонугар хоруона хамсыгын утары дьаһаллар лаппа сымнаабыттарын, быраабыланы кэһии түмүгэр, ыарыһах ахсаана үксүү турар кутталлаах.

Станислав Алексеев. Мииринэй куората. МЦРБ саайтыттан хаартыска.

Тарҕат:

Добавить комментарий

Бүтэһик сонуннар