Ааспыт суукка устатыгар Саха сиригэр эбии 45 киһи хоруона хамсыгар сутуллубут. Бу туһунан өрөспүүбүлүкэтээҕи хамсыгы бохсор суһал штаб иһитиннэрэр.
Ол курдук, киин куораппытыгар бу кутталлаах ыарыыга 21 киһи сутуллубут. Иккилии ыарыһаҕы Амма, Үөһээ Бүлүү, Ленскэй, Мэҥэ Хаҥалас, Мииринэй, Нам, Нерюнгри, Өлөөн улуустарыгар булбуттар. Биирдии киһи Алдан, Ньурба, Сунтаар, Уус Алдан, Чурапчы улуустарыгар ыалдьыбыттара биллибит. Кинилэри кытары алтыспыт дьон бары биллибиттэр уонна изоляцияҕа барбыттар. Хомойуох иһин, ааспыт суукка устатыгар 2 киһи суорума суолламмыт. Саха сирин лабораториялара короавируска 1165 анаалыһы чинчийбиттэр. Уопсайа хамсык саҕаланыаҕыттан 365 375 тест оҥоһуллубут.
