Бүгүн Айсен Николаев Амма улууһугар үлэлээтэ.
Дьыалабыай сырыы кэмигэр Абаҕаҕа оскуола сыбаайатын түһэриигэ уонна “Болугур” ТХПК 120 төбөҕө анаан тутуллубут саҥа хотонун арыйыыга кыттыбыт.
Болугурга элбэх оҕолоох Таппыраптар дьиэ кэргэнигэр сылдьыбыт. Дьиэ кэргэн аҕа баһылыга Артур Таппыров “Болугур” ТХПК ыанньыксытынан үлэлиир уонна соҕотоҕун 4 кыра саастаах оҕолорун иитэр. Артур Таппыров нэһилиэк, кэллэктиип уопсастыбаннай олоҕор көхтөөхтүк кыттар, спордунан утумнаахтык дьарыктанар, чөл олоҕу батыһар.
Маны таһынан, Айсен Сергеевич “Амма” сопхуос бурдук хомуурун үлэтин хаамыытын кытары билсибит. Ол кэннэ улуус дьаһалтатыгар улуус 2024 сылга диэри социальнай-экэнэмиичэскэй сайдыытын тула улахан мунньаҕы ыытар.
