Быйыл Артикатааҕы судаарыстыбаннай агротехнологическэй университет (урукку ССТХА) иннвацияны сайыынарыыга Пуонда (Бортник Пуондата) биллэрбит "Ыччаты инновационнай үлэҕэ сыһыарыы" диэн граныгар кыайыылааҕынан тахсыбыт. Бу туһунан АГАТУ пресс-сулууспата иһитиннэрэр.
Грант чэрчитинэн Пуонда университекка агророботтары, коптердары, сыыппара метеоыстаансыйатын уонна ГИС веб технология геоинформационнай систиэмэтин ылан биэриэҕэ. Университет АгроНТО-2020 диэн тыа сирин уонна кыра куораттар оскуолаларын икки ардыларыгар ыытыллар Бүтүн Арассыыйатааҕы күрэх эрэгийиэннээҕи былаһааккатын тэрийэн ыытыаҕа. Бу күрэх "АгроРоботы", "АгроМетео", "АгроКоптеры" уонна "АгроКосмос" диэн хайысхалардаах.
