Войти

Войти

Ил Дархан Сунтаарга үлэтин сырыытын кэмигэр улуустааҕы хоруона хамсыгын бохсор суһал штабы кытары мунньахтаата.

Улуус баһылыга Анатолий Григорьев Ил Дархаҥҥа отчуоттаабытынан, билигин улууска 10 киһи коронавируһунан ыалдьа сытар. 4 киһи инфекционнай балыыһаҕа, 6 киһи ыарыы биллэр сибикитэ суох буолан тастан дьиэлэригэр эмтэнэллэр эбит. Улуус киинигэр оскуолалар очнай-дистанционнай ньыманнан үөрэнэллэр, атын нэһилиэктэргэ уруккулуу олоҕурбут киэбинэн үөрэнэллэр. Улууска кэлэр-барар киһини барытын кытаанах хонтуруолга ылаллар, маҕаһыыннарга, уопсастыбаннай миэстэлэргэ барытыгар мааскалаах, бэрчээккилээх сылдьалларын ирдииллэр, социальнай дистанцияны тутуһаллар. Хамсык саҕаланыаҕыттан улууска 90 киһи ыалдьыбыт, билигин дьаҥ тарҕаныытын коэффициенэ 0,2 тэҥнэһэр.

Айсен Николаев улууска хоруона хамсыга тарҕамматын улахан хонтуруолга ылалларыгар сорудахтаата.

Тарҕат:

Добавить комментарий