Войти

Войти

Сунтаар улууһугар хаарбах дьиэттэн көһөр ыалларга саҥа кыбартыыра күлүүһүн үөрүүлээх быһыыга-майгыга туттарыы Судаарыстыбаннас күнүгэр, балаҕан ыйын 27 күнүгэр буолуоҕа.

Ол курдук, улуус киинигэр сабыс-саҥа икки блоктан турар 5 этээстээх олорор дьиэ комплекса үлэҕэ киириэҕэ. Бастакы блокка 20 кыбартыыра, иккискэ – 15 кыбартыыра баар, уопсайа 35 саҥа кыбартыыра хаһаайыннаныаҕа. “Главстройкомплекс” тутуу хампаанньатын генеральнай дириэктэрэ Анатолий Исаев хаарбах дьиэттэн көһөөчч;лэр малааһыннарын долгуйа кэтэһэллэрин этэр. Биирдии, иккилии уонна үстүү хостоох таас дьиэни тутааччылар болдьоҕун иннинэ тутан бүппүттэр. Саҥа дьиэ сантехниката, электрооһоҕо, домофона уонна өрөмүөнэ барыта баар. Төһө да хоруона хамсыга буулаатар, тутааччылар дьиэни туох да харгыһа суох, графиктан урутаан тутан бүппүттэр. Тутууга олохтоох уолаттар эрэ буолбакка, Бүлүүтээҕи педколледж устудьуоннарын тутар этэрээтэ үлэлэспит. Олорор дьиэ комплексын тэлгэһэтигэр саҥа ыскамыайкалар, бөх тоҕор ууруна, уот-күөс, оҕо былаһаакката, баскетболлуур былаһаакка тутуллубут уонна көҕөрдүү үлэтэ ыытыллыбыт.

1 1

Сунтаар улууһугар олорор дьиэлэри тутуу “2020-2025 сс. гражданнары хаарбах дьиэттэн көһөрүү” өрөспүүбүлүкэтээҕи аадырыстаах бырагыраама иитинэн ыытыллар. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.

Тарҕат:

Добавить комментарий