Войти

Войти

“СтопКоронавирус.Якутия” порталга сурулларынан, Саха сиригэр хоруона хамсыга саҕаланыаҕыттан номнуо 101 киһи коронавирустан суорума суолламмыт.

Аан бастакы ковид сиэртибэтин муус устар 26 күнүгэр бэлиэтээбиттэрэ. 65 саастаах дьахтар Дьокуускайдааҕы инфекционнай балыыһаҕа өлбүтэ. Кини ыарыытын баалатан, олус ыарахан туруктаах киирбитэ.

Хоруона хамсыга саҕаланыаҕыттан, Саха сиригэр 9215 киһи ыалдьыбыт, ааспыт суука устатыгар 87 киһи эбии ыалдьыбыт.

Балаҕан ыйын 28 күнүнээҕи туругунан, ааспыт сууккаҕа 87 киһи ыарыйда. Ол курдук, Дьокуускайга 45 киһи ыалдьыбыта бигэргэммит. Уус Алдаҥҥа – 10, Мииринэйгэ – 6, Мэҥэ Хаҥаласка – 5, Эдьигээҥҥэ, Ленскэйгэ, Намҥа уонна Нерюнгри оройуонугар – үстүү ыарыһаҕы булбуттар. Аллараа Халыма, Орто Халыма, Таатта уонна Хаҥалас улуустарыгар – 2-лии ыарыһах бигэргэммит, оттон Уус Майдаҕа –1.

Суукка устатыгар 2782 тест оҥоһуллубут.

Бүгүҥҥү брифинг кэмигэр Айсен Николаев 65 саастарын ааспыт саастаах дьон ыалдьаллара эмискэ үрдээбитин бэлиэтээтэ. Билигин 51 киһи ыарахан туруктаах сытар. Ил Дархан 65 саастарыттан үөһэ дьону үлэлэтимэҥ диэн тэрилтэлэргэ сэрэттэ. Тэрилтэлэр хайаан да термометрияны, дезинфекцияны ыытыахтаахтарын санатта. Социальнай дистанцияны тутуспат маассабай тэрээһиннэр боборго үлэ күүһүрүө диэн суоһурҕанна. Маныаха административнай хамыыһыйалар үлэлэрин күүһүрдүөхтээхтэрин тоһоҕолоото. Айсен Сергеевич бу күнтэн ыла суһал штаб үлэтин тус илиитигэр ыларын эттэ.

Тарҕат:

Добавить комментарий