Войти

Войти

Саха сирин судаарыстыбаннаһын күнүгэр, өрөспүүбүлүкэ кырдьаҕас үөрэҕин кыһатыгар – П.И. Дудкин аатынан Дьокуускайдааҕы сибээс уонна энергетика колледжыгар информационнай-коммуникативнай технология хайысхатынан бэртээхэй үөрэнэр мастарыскыайдар арылыннылар.

2019 сыл сэтинньитигэр колледж дойду үөрэҕин министиэристибэтин гранын ылбыт. Бу грант “Үөрэҕирии” национальнай бырайыак иитинэн, “Үөрэхтээһини сайыннарыы” судаарыстыбаннай бырагыраама чэрчитинэн, “Молодые профессионалы” федеральнай бырайыагы олоххо киллэриигэ диэн бэриллибит.

2

Грант уопсай суумата – 41 мөл солк., ол иһигэр 37 мөл. солк. – федеральнай харчы, 4,18 мөл. солк. өрөспүүбүлүкэ үбүттэн, оттон хаалбыт 520 тыһ. солк. колледж бэйэтин хааһынатыттан биэрбит. Бу грант харчытынан колледжка “Веб дизайн”, “Мобильнай сыһыарыылары оҥоруу”, “Информационнай кабельнай ситимнэр”, “Кибер-безопасность”, “Машинное обучение и большие данные” диэн аныгs кэм идэлэригэр уһуйарга туһааннаах кэмпитиэнсийэлэргэ материальнай-тэхэниичэскэй базаны тэрийиигэ саҥа мастарыскыайдары оҥорбуттар.

1

Мастарыскыайдары үөрүүлээх быһыыга-майгыга арыйыыга бырабыыталыстыба бэрэссэдээтэлин э.т. Андрей Тарасенко, кини сүбэһитэ Ньургууна Соколова, үөрэх миниистирин солбуйааччы Ирина Любимова, инновация миниистирэ Анатолий Семенов, “МТС” ПАУо Саха сиригэр дириэктэрэ Роман Фелиферов, “Центр опережающей профессиональной подготовки Республики Саха (Якутия)” дириэктэрэ Владислав Хабаров уонна өрөспүүбүлүкэ колледжтарын салайааччылара кытыннылар.

4

Мустубут ыалдьыттар колледж Саха сиригэр айти үөрэҕи тэрийиигэ биир бастыҥнар кэккэлэригэр киирэрин тоһоҕолоотулар уонна өссө да үрдүк ситиһиини баҕардылар.

5

6

7

8

Колледж дириэктэрэ Гаврил Семенов үөрэх министиэристибэтин быһаччы көмөтүнэн бу 5 мастарыскыайы таһынан эбии икки кылааска аныгы тэрил кэлбитин, итиэннэ “Сыыппара үөрэҕин эйгэтэ” бырайыак чэрчитинэн бу сайын колледж үһүс этээһигэр толору өрөмүөн үлэтэ барбытын, федеральнай грант суотугар аныгылыы көмпүүтэр тэриллэрин, сыбааркалыыр аппарааты ылбыттарын уонна да атын улахан үлэ барбытын кэпсээтэ. Инньэ гынан, билигин колледжка 78 үлэ миэстэтигэр 7 мастарыскыай уонна аудитория үлэлиэҕэ, манна устудьуоннар хаачыстыбалаах билиини сомсор кыахтаммыттарын таһынан “Ворлдскиллс” чөмпүйэнээтэ ыытыллыаҕа, Яндекс Лицей кылааһа үлэлиэҕэ, хакатоннар ыытыллыахтара, эксээмэннэри туттарыахтара, идэҕэ сыһыаннаах күрэхтэр ыытыллыахтара, биэнсийэ иннинээҕи саастаах дьоҥҥо идэни уларытыыга куурустар тиһигин быспакка барыахтара. Онон, өрөспүүбүлүкэ сыыппара эйгэтигэр ситиһиини ыларыгар биир дьоһуннаах хардыы оҥоһулунна.

Тарҕат:

Добавить комментарий