Войти

Войти

Саха сирин үөрэҕин министиэристибэтэ иһитиннэрбитинэн, өрөспүүбүлүкэ оскуолаларыгар 266 оҕо уонна 21 үөрэх тэрилтэлэрин үлэһиттэрэ хоруона хамсыгар сутуллубуттар.

“Балаҕан ыйын 30 күнүнээҕи туругунан, Саха сирин 649 оскуолатыгар 148720 оҕо үөрэнэр. Харантыыҥҥа 4 оскуола барбыта, онно 192 оҕо үөрэнэр. Коронавирус инфекцията 266 оҕоҕо уонна 21 үөрэх тэрилтэлэрин үлэһиттэригэр бигэргэммит. Кинилэри дистанционнай ньыманан үөрэнэргэ ыыттыллар”, - диэн министиэристибэ иһитиннэрэр. Министиэристибэҕэ биллэрбиттэринэн, 350 оскуола урукку курдук олоҕурбут ньыманнан үөрэнэ олороллор. Дистанционнай ньымаҕа 46 оскуола көспүт. Күнүскү-кэтэхтэн үөрэтиини 253 оскуола ыытар. Дьаҥ тарҕамматын туһуттан оскуолалары дезинфекциялыыллар, салгыны ыраастыыллар, оскуолаларга ыарыыттан харыстанар тэриллэр бэриллибиттэр, үөрэнээччилэр бэйэ-бэйэлэрин кытары алтыспаттарын курдук дьаһаллары ылбыттар, хас биирдии кылаас сыһыарыллыбыт аудиторияҕа эрэ үөрэнэр.

Тарҕат:

Добавить комментарий

Бүтэһик сонуннар