Киирии

Киирии

Арассыыйа Бырабыыталыстыбата инбэлииккэ таһаарыы бэрээдэгин уларытта. Бу туһунан миниистирдэр кэбиниэттэрин саайтыгар суруллар.

Дмитрий Медведев бэлиэтииринэн, саҥа докумуоҥҥа бастаан көрүүгэ биллибит инбэлииккэ тахсыан сөптөөх ыарыылар испииһэктэрэ хаҥаабыт. Ити ыарыыларынан ыалдьар дьон, болдьоҕо суох, олохторун устун инбэлииккэ тахсар кыахтаналлар. Маныаха хамыыһыйа кэтэхтэн да көрөн инбэлииккэ аныан сөп буолуоҕа. Ордук кырыы сиргэ олорор, кыайан балыыһаҕа айанныыр кыаҕа суох ыарахан ыарыһахтарга кэтэхтэн инбэлиитинэһи аныахтара.

Вице-премьер Ольга Голодец “маннык уларыйыы инбэлииттэртэн, уопсастыбаннай тэрилтэлэртэн, инбэлииттээх ыаллартан олус элбэх этии киирбитигэр учуоттаан киллэрилиннэ” диэтэ. Саҥардыллыбыт ыарыылар испииһэктэригэр хромосома кэһиллиилэрэ, Даун синдрома, быар цирроһа, хараҕынан көрбөт, дьүлэй буолуу, оҕо церебральнай паралиһа киирбиттэр. Маннык диагнозтаах дьон үйэлэрин тухары биирдэ инбэлииккэ тахсар буолуохтара. Сколиоз, сирэй уҥуоҕун кэһиллиилэрэ, аутизм уонна да атын оҕо чаастатык ыалдьар ыарыыларынан (сахар диабета эҥин) инбэлииккэ таһаарыы судургутуллубут. Бу саҥа уураах 12 мөл. инбэлииккэ сыһыаннаах, ол иһигэр 651 тыһ. оҕоҕо. Бу туһунан Ольга Голодец иһитиннэрэр.

Тарҕат:

Ырытыыгын суруй

Защитный код
Обновить

Бүтэһик сонуннар