Дьокуускай куорат 26 оскуолатыгар ОРВИ уонна тумуу туран сорох кылаастары дистанционнай ньыманнан үөрэтэргэ көһөрдүлэр. Бу туһунан Ил Дархан уонна бырабыыталыстыба дьаһалтатын пресс-сулууспата кэпсиир.
“Алтынньы 19 күнүнээҕи туругунан, киин куорат 26 оскуолатыгар сорох кылаастары дистанционнай үөрэтиигэ ыыттылар. 105 кылаас үөрэнээччилэрэ дистанционнай ньыманнан үөрэнэллэр, олортон 25 кылааска хоруона хамсыга турбут, 80 кылааһы тумууттан уонна ОРВИттан сылтаан ыыталаабыттар”, - диэн иһитиннэрэллэр.
Куорат сэттэ оскуолата – 32-с, 22-с, 28-с, 34-с №-дээх орто оскуолалар, Тэхэниичэскэй лиссиэй, Марха 2-с №-дээх оскуолата, 4-с №-дээх анал оскуола уруккулуу, олоҕурбут киэптэринэн толору үлэлии олороллор. Дистанционнай уонна күнүскү үөрэҕи куорат 45 оскуолата дьүөрэлээн ыытар. Онно 42 760 оҕо хабыллыбыт, 21455 оҕо – дистанционнай ньыманнан, 21 305 оҕо – күнүскү үөрэххэ үөрэнэр.
