Войти

Войти

Саха сиригэр хоруона хамсыгын туруга сол да ыарахан. Бу туһунан доруобуйа харыстабылын миниистирэ Елена Борисова брифинг кэмигэр билиһиннэрдэ.

Елена Борисова:

-- Ааспыт суукка устатыгар эбии 133 ыараһаҕы бигэргэттибит. Ол курдук. Дьокуускайга – 84, Мэҥэ Хаҥаласка – 6, Эдьигээҥҥэ, Мииринэйгэ – биэстии киһи, Алдаҥҥа, Нерюнгрига – 4-түү, Аллайыахаҕа, Аммаҕа, Намҥа, Уус Алдаҥҥа уонна Хаҥаласка – үстүү, Үөһээ Бүлүүгэ, Тааттаҕа, Томпоҕо – иккилии, Үөһээ Халымаҕа, Бүлүүгэ, Өлүөхүмэҕэ уонна Чурапчыга – биирдии ыарыһаҕы буллулар. Хомойуох иһин, икки киһи коронавирус инфекциятыттан суорума суолламмыт. Суукка устатыгар 2146 анаалыһы чинчийдилэр. Уопсайа хамсык саҕаланыаҕыттан 567515 тест оҥоһуллубут.

Оҕолорго тумуу уонна ОРВИ дьаҥа ааспыт сыллааҕы көрдөрүүттэн кыра. Сорох улуустарга баһылыктар бэйэлэрэ көрөн быһарыныыны ылаллар, онуоха кинилэргэ оннук боломуочуйа баар. ОРВИ уонна тумуу улахан дьон ортотугар тэнийэр. Билигин тумууттан вакцинаны биэрии үчүгэйдик бара турар.

Хамсык саҕаланыаҕыттан уопсайа Саха сиригэр 11119 киһи ыарыйда, олортон 6152 киһи үтүөрдэ, 117 киһи өллө.

Тарҕат:

Добавить комментарий