Дьокуускай куораттааҕы үөрэх управлениета иһитиннэрбитинэн, куорат оскуолалара алтынньы 26 күнүттэн күһүҥҥү каникулга барыахтара.
Каникул сэтинньи 7 күнүгэр дылы буолуоҕа. Онуоха туһааннаах бирикээс сарсын, алтынньы 21 күнүгэр бэлэмнэнэн тахсыаҕа. Начаалынньык эбээһинэһин толорооччу Мирослав Афанасьев этэринэн, управление үөрэх министиэристибэтин кытары бары оскуолаларга алтынньы 26-сэтинньи 7 күннэригэр, бары биир кэмҥэ баралларын сөбүлэспиттэрин этэр.
Бу иннинэ министиэристибэ муниципалитеттарга каинкул болдьоҕун барыларыгар биир кэмҥэ буоларын эппитэ. Ити оҕолор тоҕуоруспаттарын туһуттан ылыныллыбыт быһаарыныы. Сунтаар улууһугар каникул эмиэ алтынньы 26 күнүттэн буоларын туһунан улуус баһылыга туһааннаах бирикээһи таһаарбыт.
