Войти

Войти

Нам улууһун Бөтүҥ нэһилиэгин эдэр пиэрмэрэ Красноярскай кыраайтан 100 эт боруодата (красно-пестрая порода) сүөһүнү аҕалбытын туһунан СӨ Тыа хаһаайыстыбатыгар министиэристибэтин пресс-сулууспата суруйар.

Эдэр пиэрмэр Александр Слепцов сүөһүлэрин “Гляденское” САУо тэрилэттэн түөрт улахан массыынан тиэйэн аҕалбыт. “Аҕыс күн айаннаан кэллилэр. Туруктара этэҥҥэ. Улуус бэтэринэриийэҕэ управлениетын исписэлиистэрэ көрөн-истэн баран “доруобайдар” диэтилэр. Сүөһүлэр 30 күн профилактика харантыыныгар туруохтара”, - диэн пресс-сулууспа этэр.

Александр Слепцов сэттэ сылааҕыта бааһынай буолбут. 2013 сыллаахха “Саҕалааччы пиэрмэр” бырагырааманан грант ылан 25 сылгыны атыыласпыт (билигин онто 140 буолан турар). Онтон былырыын дьиэ кэргэн пиэрмэтин сайыннарыыга грант суруйан, Тыа хаһаайыстыбатын министиэристибэтиттэн 17,5 мөл. солкуобайы ылбыт. Ити сүөһүлэрин ол харчынан атыыласпыт.

Тарҕат:

Добавить комментарий

Бүтэһик сонуннар