Войти

Войти

Хоруона хамсыгынан ыараханнык ыалдьан үтүөрэн тахсыбыт, ИВЛга холбонон сыппыт уонна өр кэм устата балыыһаҕа сытан быыһаммыт ыарыһахтар туруктарын чөлүгэр түһэрэргэ реабилитационнай кииннэр үлэлииллэр. Бу туһунан СӨ Дорубуйаҕа харыстабылын министиэристибэтэ иһитиннэрэр.

 Абалаахтааҕы мэдэссиинэ реабилитациятын киинигэр номнуо 90 киһи чөлүгэр түһэрии кууруһун ааспыт. Аны билигин "Чэбдик" санаторий бу хайысхаҕа ылсан үлэтин саҕалаата.

Реабилитация кууруһа 14 күнтэн 17 күҥҥэ дылы болдьохтоох. Бу кэм устатыгар ковидынан ыалдьан тахсыбыттар тус эмтиир физкултуура, физиоэмтэнии, массаж, механотерапия, сибиэһэй салгыҥҥа дьарык, наада буоллаҕына ванна уонна бадараанынан эмтэнии кууруһун ааһаллар.

Маннык чөлүгэр түһэриини ааһарга олорор сиринэн поликлиника терапевын ыытыытынан эбэтэр стационартан тута ыытыллан барыахха сөп.

Тарҕат:

Добавить комментарий

Бүтэһик сонуннар