Войти

Войти

Саха сирин хаһаайыстыбаларыгар хараал саҕаланна. Бу күннэргэ табаны күрүөҕэ-хаһааҕа хаайан ахсаанын ааҕыахтара, саҥа төрөөбүттэри бэлиэтиэхтэрэ, эмтиэхтэрэ.

“Таба ханна даҕаны сүүлэн бүттэ. Туруктара үчүгэй, кыһыҥҥы мэччирэҥнэригэр көстүлэр”, -- диэн СӨ Тыа хаһаайыстыбатыгар министиэристибэтэ суруйар.

СӨ Тыа хаһаайыстыбатыгар министиэристибэтин Хоту дойду төрүт салааларыгар уонна балык хаһаайыстыбатыгар отделын салайааччыта Иннокентий Баланов этэринэн, табаһыттар ыстаадаҕа тахсаары муус турарын уонна хаар түһэрин кэтэһэллэр.

Бүгүҥҥү туругунан, өрөспүүбүлүкэ бары хаһаайыстыбаларыгар 171 707 таба баар. Уопсайа 106 таба хаһаайыстыбатыгар 1 295 киһи үлэлиир.

 

Тарҕат:

Добавить комментарий

Бүтэһик сонуннар