Быйыл Саха сиригэр сыл бүтүөр диэри 18 ФАП уонна амбулаторияны тутар былааннаахтар. Онтон 8 дьиэтэ номнуо тутуллан үлэҕэ киирбит. Ити туһунан СӨ Доруобуйа харыстабылыгар министиэристибэтэ суруйар.
“Эдьигээн Баахынайыгар, Үөһээ Бүлүү Тамалакааныгар, Томпо Охотскай Перевоһугар, Усуйаана Дьүкээгиригэр, Орто Халыма Берёзовкатыгар, Өлүөхүмэ Урицкайыгар, Сунтаар Толоонугар уонна Таатта Боробулугар балыыһалар үлэҕэ киирдилэр. Өссө 10 балыыһа сыл бүтүөр диэри Хаҥаласка, Ньурбаҕа, Булуҥҥа, Чурапчыга, Уус Алдаҥҥа, Аммаҕа, Бүлүүгэ, Мэҥэ Хаҥаласка, Намҥа уонна Дьокуускай Эргэ Табаҕатыгар тутуллуохтаах”, -- дииллэр министиэристибэҕэ.
Хас биирдии ФАП миэбэлинэн, анал тэрилинэн толору хааччыллыахтаах.
