Войти

Войти

Ааспыт суукка устатыгар өрөспүүбүлүкэҕэ эбии 185 киһи хоруона хамсыгар ылларбыта билиннэ. Бу туһунан брифинг кэмигэр Ольга Балабкина иһитиннэрдэ.

-- Дьокуускайга 102 ыалдьыбыт, Нерюнгрига – 16. Ньурба уонна Мииринэй улуустарыгар балаһыанньа ыараата. Уус Алдан улууһугар ыарыһах ахсаана эбиллэ турар. 5-тии ыарыһаҕы Аллайыаха, Нам уонна Сунтаар улуустарыгар бигэргэттилэр. Мэҥэ Хаҥаласка, Өймөкөөҥҥө, Өлүөхүмэҕэ уонна Тааттаҕа 4-түү киһи ыалдьыбыт. Аммаҕа, Булуҥҥа, Бүлүүгэ уонна Мииринэйгэ – 3-түү киһи ыалдьыбыт. Иккилии ыарыһаҕы Горнайга, Ленскэйгэ уонна Усуйааанаҕа буллулар. Биирдии ыарыһаҕы Алдаҥҥа, Эдьигээҥҥэ, Кэбээйигэ, Муомаҕа, Томпоҕо уонна Хаҥаласка бигэргэттилэр.

ПЦР анаалыһын оннугар улуустар киин балыыһаларыгар ИФА уонна ИХА анаалыһын туһанар буоллулар. Ити ньыма көмөтүнэн элбэх киһини анаалыстыыр буолуохпут уонна анаалыһы хомуар туочукаларга дылы хаачыстыбалаахтык тиэрдэр буолуохпут. Арҕааҥҥы улуустарга анаалыһы хомуйар туочука – Мииринэй улууһа, соҕуруу улуустарга – Алдан уонна Нерюнгри, хоту уонна киин улуустарга – Дьокуускай.

Ыарыһах Суһал көмөнү ыҥырдаҕына, ыстаансыйа эпэрээтэрэ ыарыһаҕы поликлиникаҕа билис диэн сөп, оччоҕо киниэхэ учаскыабай быраас кэлэн көрөр уонна ыарыы клиникатынан көрөн анаалыска эбэтэр КТга ыытыан сөп. Оттон ыарыһах ыараханнык ыалдьыбыт буоллаҕына Суһал көмө ыҥырыыны ылан туһааннаах дьаһалы ылыахтаах. Дьокуускайга 7 КТ аппараата баар.

Тарҕат:

Добавить комментарий