Австрия киин куоратыгар Венаҕа, куорат 6 араас муннугар, биир кэмҥэ терактары оҥордулар. Синагога, Дьэбириэйдэр Кииннэрин, эрэстэрээн уо.д.а. тастарыгар дьону ытыалаабыттар, дэлби тэптэрбиттэр уо.д.а. Холобур, аҥаардас синагога таһыгар теракка 7 киһи өлбүт, ол иһигэр 1 полиция үлэһитэ, 4 киһи ыараханнык бааһырбыт.
Террористар сорохторо ытыалаһыыга өлбүттэр, ким эрэ бэйэтин дэлби тэптэриммит, сорохторо куотан хаалбыттар. Онон билигин Вена куорат киин өттө сыаптанан турар.
SITE Intelligence Group диэн экстремистэр актыыбынастарын үөрэтэр АХШка баар киин “Австрияҕа терактары джихадистар оҥордулар. Австрия Ислам судаарыстыбатын (Арассыыйаҕа бобуулаах) утары охсуһар коалицияҕа кыттыбытын иһин” диэн быһаарар.
