Войти

Войти

Хоруона хамсыга өрөспүүбүлүкэбитин буулуоҕуттан ыла, уопсайа 15848 киһи ыарыйда, 174 киһи суорума суолланна.

 Өрөспүүбүлүкэтээҕи хамсыгы бохсор Суһал ыстаап иһитиннэрбитинэн, сэтинньи 9 күнүнээҕи туругунан Саха сиригэр эбии 203 киһи коронавирустаабыт (ол иһигэр 44 носитель). Дьокуускайга 118 киһи хаптарбыт. 8 киһи Алдан улууһугар, 7 киһи Мииринэй оройуонугар ыалдьыбыттар. Алталыы ыарыһах Нерюнгри, Уус Алдан улуустарыгар сутуллубуттар. Ньурбаҕа - 5, Үөһээ Бүлүүгэ, Ленскэйгэ, Өлүөхүмэҕэ, Сунтаарга уонна Хаҥаласка - 4-түү, Аммаҕа, Горнайга, Мэҥэҕэ, Намҥа, Өймөкөөҥҥө уонна Тааттаҕа - 3-түү, Булуҥҥа, Дьааҥыга, Кэбээйигэ уонна Чурапчыга - 2-лии киһи ыалдьыбыт, Аллайыахаҕа, Эдьигээҥҥэ, Муомаҕа, Өлөөҥҥө, Орто Халымаҕа, Томпоҕо уонна Уус Майдаҕа биирдии киһи ыалдьыбыттара бигэргэммит. Суукка устатыгар 3 киһи суорума суолламмыт, өрөспүүбүлүкэ лабораториялара 5234 анаалыһы чинчийбиттэр. Уопсайа хамсык саҕаланыаҕыттан 680077 тест ыытыллыбыт.

Тарҕат:

Добавить комментарий