Күндү оҕолор, төрөппүттэр уонна учууталлар! “Бэлэм буол+” хаhыат, Саха Өрөспүүбүлүкэтин үөрэххэ уонна билимҥэ министиэристибэтэ "Үрүҥ эһэчээн" диэн саха тылын уонна литэрэтиирэтин олимпиадата күһүҥҥү күрэҕин биллэрэллэрин туһунан иһитиннэрэллэр.
Кыттааччылары сэтинньи 16 – ахсынньы 16 күннэригэр “Ситим” медиабөлөх Саха сиригэр аан бастаан арыллыбыт "Бэлэм буол+" хаһыат саха тылын эбии үөрэтэр дистанционнай онлайн платформатыгар ыҥырар. Олимпиадаҕа 2-тэн 8-ыс кылааска диэри үөрэнэр оҕолор кытталлар. Биирдиилээн да, кылааһынан да киириэххэ сөп. Кыайыылаахтары олус үчүгэй бириистэр күүтэллэр.
Онлайн түһүлгэҕэ сахалыы тылынан оҕону сайыннарар элбэх интэриэһинэй дьарыктар, тургутуктар бааллар. Саайт сорудахтара оҕо төрөөбүт тылын билэригэр көмөлөһөллөр, булугас өйүн сайыннараллар, тылын саппааһын байыталлар уонна саха тылын быраабылаларын төһө билэрин көрдөрөллөр. Тургутуктар үөрэнээччини кэрэхсэтэр, оонньотор ньыманан таҥылыннылар. Саайтка учуутал бэйэтэ эмиэ сорудахтарын угар кыахтаах.
Аныгы саха оҕото өркөн өйдөөх, булугас толкуйдаах, ситимнээх санаалаах буола сайдарыгар биһигинниин бииргэ буолуҥ! Билиини кынат оҥостон олох үрдүк чыпчаалларын тэҥҥэ дабайыаҕыҥ! Түһүлгэбит сылтан сыл сайдан, кэҥээн саха тылын туттуллар эйгэтин кэҥэтэн иһэригэр бииргэ үлэлиэҕиҥ!
Сиһилии https://belembuol.ru/ саайтка киирэн билсиҥ. Ситимнэһэр төлөппүөн нүөмэрэ 89681549661.
