Войти

Войти

Ааспыт нэдиэлэҕэ Бүрээтийэ баһылыга Алексей Цыденов өрөспүүбүлүкэҕэ балыыһаларга миэстэ бүппүтүнэн, эмп-томп тиийбэтинэн сибээстээн, икки нэдиэлэ устата хааччахтаныы эрэсиимэ хатыланарын туһунан иһитиннэрбитэ.

Санаттахха, Арассыыай атын ханнык да эрэгийиэнигэр оннук дьаһаллар ылылла илик этилэр. Инньэ гынан, сэтинньи 16 күнүттэн 30-с чыыһылаҕа диэри Бүрээтийэҕэ атыы-эргиэн, уопсастыбаннай ас-үөл тэрилтэлэрэ, кафелар-эрэстэрээннэр, фитнес-кулууптар, кэрэ буолуу салоннара бары үлэлээн бүтэллэр.

Ааспыт сууккаҕа Бүрээтийэҕэ 271 киһи хоруона дьаҥар хаптарбыт, хамсык саҕаланыаҕыттан барыта 15 378 киһи ыалдьыбыт. Даҕатан эттэххэ, Бүрээт да, Саха да өрөспүүбүлүкэтин нэһилиэнньэлэрэ тэҥ сыһа, ыалдьыбыт да дьоммут ахсаана араа-бараа курдук. Арай, “бүрээттэр экэнэмиичэскэй туруктара биһигиттэн лаппа мөлтөх буолан, хамсык ыар баттыгын уйбатахтара буолуо” диэн сылыктыыбыт.

Бүрээтийэ сорох олохтоохторо ону сөбүлээбэккэ “бу маннык хааччахтаныы киирэрэ сокуоннай дуо?” диэн ыйытыктарыгар, Кириэмил “дойдуга барытыгар уопсай хааччахтаныыны киллэрэр туһунан боппуруос турбат, оттон балаһыанньа аһара уустук буоллаҕына, эрэгийиэннэр салалталара оннук дьаһаллары ылалларын ким да боппот” диир.

Тарҕат:

Добавить комментарий

Бүтэһик сонуннар