Войти

Войти

Тииһинэн олоруу алын кээмэйиттэн кыра дохуоттаах нэһилиэнньэ ахсаанын быйылгыттан 2030 сылга дылы аччатар сорук турар. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.

Онуоха туһааннаах бырагырааманы Ил Дархан Айсен Николаев бигэргэппит. Ити бырагыраама иитинэн Саха сиригэр инвестбырайыактары олоххо киллэрэн саҥа 34 тыһ. үлэ миэстэтин таһаарар былааннаахтар.

“Улуустарга пилотнай бырайыак түмүктэринэн тииһиммэт ыаллары социальнай арыаллааһын тиһигэ олоххо киирдэ. 2020 сылга ити бырагырааманы киллэриигэ 22,7 млрд солк. көрүллүбүт. Сыл ахсын былааннаах кэмҥэ эрэгийиэннээҕи бырагырааманы олоххо киллэрэргэ ымпыктабын былаан-график ылыллыаҕа”,- диэн иһитиннэриигэ суруллар.

Үлэтэ суохтары үлэннэн хааччыйан уонна эбии анал үөрэхтээһини киллэрэн, 2030 сылга үлэтэ суох ахсаанын 5,4 бырыһыан аччатыахха сөп диэн иһитиннэриигэ этиллэр.

Тарҕат:

Добавить комментарий

Бүтэһик сонуннар