Войти

Войти

Саха сиригэр хоруона хамсыгын туругун туһунан брифинг кэмигэр зампред Ольга Балабкина билиһиннэрдэ.

Ольга Балабкина:

-- Балаһыанньа сол уустук. Ааспыт суукка устатыгар 221 киһи эбии ыалдьыбыта билиннэ. Ол курдук, киин куораппытыгар 124 киһи ыарыйда. Ордук элбэх ыарыһах Мииринэй, Бүлүү, Алдан, Нам уонна Өлөөн улуустарыгар бигэргэннэ. Бу улуустар ордук хонтуруолга сылдьаллар. 1-тэн -6-ҕа дылы ыарыһаҕы 21 улууска бигэргэттилэр. Хомойуох иһин, суукк устатыгар 3 киһи суорума суолланна. Ааспыт суука иһигэр Саха сирин лабораториялара 6284 анаалыһы оҥордулар, хамсыг саҕаланыаҕыттан 731 409 тест ыытылынна. Бу нэдиэлэттэн саҕалаан Роспотребнадзор саҥа уларытыылары бигэргэппитэ. Ол курдук, ыарыһаҕы кытары алтыспыт дьонтон туох да сибикилэрэ суох буоллаҕына анаалыһы ылбаттар, ол оннугар 14 күн дьиэҕэ хааллан олоруохтаахтар. Анаалыһы ыарыы сибикитэ баар эрэ буоллаҕына биирдэ ылаллар. Бу нэдиэлэттэн өрөспүүбүлүкэ оскуолаларыгар үөрэх саҕаламмыта, инньэ гынан былаастар уонна улуус дьаһалтата оҕолор ыалдьыбаттарын курдук дьаһаналларыгар сорук турда. Онуоха оскуолаларга уонна уһуйааннарга термометрия ыытыллар уонна рециркулятордар баар буолуохтаахтар. Үлэни биэрээччилэр 65 саастарыттан үөһээ саастаах үлэһиттэрин уонна дьарҕа ыарыылаахтары үлэҕэ кэлэллэрин тохтотуохтаахтар. Билиҥҥи туругунан кинилэр ордук ыалдьаллар.

Тарҕат:

Добавить комментарий

Бүтэһик сонуннар