Войти

Войти

Ааспыт суукка устатыгар Саха сиригэр эбии 219 киһи коронавирустаабыта биллибит. Бу туһунан бүгүҥҥү брифинг кэмигэр доруобуйа харыстабылын миниистирэ Елена Борисова кэпсээтэ.

“Дьокуускайга 122 киһи ыарыйда. 1-7 ыарыһах 29 улууска бигэргэннэ. Хоруона хамсыга саҕаланыаҕыттан өрөспүүбүлүкэҕэ 17,6 тыһ. киһи ыарыйда, олортон аҥардара үтүөрдэ. Мииринэйгэ 7 киһи ыалдьыбыт, алталыы ыарыһаҕы Алдан, Бүлүү, Мэҥэ, Нерюнгри уонна Өлүөхүмэ улуустарыгар, түөртүү – Аллайыаха, Нам, Ньурба, Өймөкөөн уонна Сунтаар улуустарыгар бигэргэппиттэр. Үстүү ыарыһаҕы Анаабыр, Үөһээ Бүлүү, Дьааҥы, Горнай, Кэбээйи, Ленскэй, Өлөөн, Таатта уонна Уус Алдан улуустарыгар, иккилии ыарыһаҕы – Амма, Эдьигээн, Хаҥалас, Чурапчы улуустарыгар булбуттар. Оттон биирдии ыарыһаҕы Булуҥҥа, Муомаҕа, Томпоҕо, Уус Майдаҕа уонна Усуйаана улуустарыгар бигэргэттилэр. Хомойуох иһин, суукка устатыгар 3 киһи суорума суолламмыт. Ааспыт суукка устатыгар өрөспүүбүлүкэ лабораториялара 5591 анаалыһы чинчийдилэр, оттон хамсык саҕаланыаҕыттан 737 000 маннык анаалыһы оҥордулар”, - диэн миниистир Борисова эттэ.

Маны таһынан, миниистир бу бэнидиэнньиккэ Саха сиригэр тумууттан бүтэһик вакцина партията кэлбитин эттэ. Роспотребнадзор ыйыытынан, маннык вакцинаны өрөспүүбүлүкэ 60 бырыһыан олохтооҕо ылыахтаах. Миниистир Саҥа Дьыл сүпүслгэнэ саҕаламмытынан, дьон туох баар миэрэлэри тутуһалларыгар ыҥырда. Кини ордук дьиэ кэргэн иһигэр ыарыы тарҕанарын санатта.

Тарҕат:

Добавить комментарий

Бүтэһик сонуннар