Войти

Войти

Дьокуускайга өрөспүүбүлүкэтээҕи инфекционнай балыыһа саҥа дьиэтин эһиилгиттэн тутан саҕалыахтара. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.

Ил Дархан Айсен Николаев Москубаҕа дойду экэнэмиичэскэй сайдыыга миниистирин Максим Решетниковы кытары көрсүбүт. Ол көрсүһүүгэ Саха сирин систиэмэни үөскэтэр тэрилтэлэригэр субсидияны биэрии уонна эмтиир тэрилтэлэри тутуу туһунан дьүүллэспиттэр. Айсен Сергеевич 2021 сылга инфекционнай балыыһаны тутууну үбүлээһинин федеральнай аадырыстаах инвестиционнай бырагыраамаҕа киллэрэри туруорсубут. Билигин инфекционнай отделение икки тэрилтэҕэ симиллэн үлэлиир: оҕо инфекционнай клиническэй балыыһатыгар уонна өрөспүүбүлүкэтээҕи клиническэй балыыһаҕа.

“ДьУОХХ” ГУТка уонна “ЛОРП” ПАУо көмөнү оҥорорго улахан болҕомто ууруллуоҕа. Максим Решетников көрсүһүү кэннэ эрэгийэнэ олохтоохтор уйгулара тупсарыгар улахан болҕомтону ууруллуохтаах диэн бэлиэтээбит. Айсен Сергеевич көрсүһүү олус үчүгэйджик, сүүйүүлээхтик ааспытын кэпсээбит. Онно ити тэрилтэлэргэ өйөбүлү оҥорууну эрэ буолбакка, Саха сирин экэниэмикэтэ быһаччы тутуллар Өлүөнэ күргэтин тутуу боппуруостарын эмиэ таарыйбыттарын эппит.

Тарҕат:

Добавить комментарий