8 киһини суорума суоллаабыт 330 лиитирэ сүлүһүннээх антисептигы атыыттан былдьаатылар.
ИДьМ экэнэмиичэскэй куттал суоһаабатын уонна хоруупсуйаны бохсор управлениетын начаалынньыгын быстах кэмҥэ толорооччу Алексей Батура өрөспүүбүлүкэҕэ бу кутталлаах суурадаһыны атыылаабыт урбаанньыттары быһаарбыттарын эттэ уонна билиҥҥи туругунан 336 лиитирэ кутталлаах антисептигы атыыттан тохтотон былдьаабыттарын кэпсээтэ. Саамай элбэх кутталлаах баартыйаны Дьокуускай 4 эргиэнин кииниттэн былдьаабыттар, маны таһынан өрөспүүбүлүкэ хас да муннугуттан биирдиилээн урбаанньыттартан ылбыттар. Санатар буоллахха, Свердловскай уобалаһыгар оҥоһуллубут метанол нуормата куоһарар, сүлүһүннээх антисептигы иһэн Таатта Баайҕатыгар 7 киһи уонна Алдан Угояныгар 1 киһи иһэн өлбүттэрэ.
