Войти

Войти

Саха сирин быыһыыр сулууспата Орто Халыма улууһугар Дириҥ диэн сиргэ бурана алдьанан 4 күнү быһа сүтэ сылдьыбыт эр киһини быыһаабыттарын кэпсиир.

Сүппүт киһи ойоҕо сэтинньи 27 күнүгэр улуустааҕы биир кэлим диспиэччэр сулууспатыгар (ЕДДС) 1979 сыллаах төрүөх кэргэнэ өссө сэтинньи 25 күнүгэр күнүс 13 ч. 40 мүн. Сылгы Ыытартан Орто Халыма куоратыгар айаннаан баран дьиэтигэр тиийбэтэҕин биллэрбит. Сүппүт эр киһини сэтинньи 29 күнүгэр тһһн 2 ч. Орто Халыма куоратыттан 55 км тэйиччи турар Дириҥ диэн учаастактан булбуттар. Эр киһи балыыһаҕа киирэртэн аккаастаммыт, туруга үчүгэй. Кинини Орто Халыма куоратыгар аҕалбыттар. Быыһыыры сулууспа Саха сирин ыраах айаҥҥа турунааччыларга сэрэхтээх буолалларын, сибээһинэн, аһынан-үөлүнэн, ичигэй таҥаһынан хааччыллалларын санатар. Бу түгэҥҥэ бураннаах киһи чугас дьонун эрдэттэн сэрэппит уонна ыраах айаҥҥа сөптөөх бэлэмнээх туруммут буолан тыынаах хаалбытын бэлиэтииллэр.

Тарҕат:

Добавить комментарий

Бүтэһик сонуннар