Мэҥэ Хаҥалас Балыктааҕар 2021 сыл тохсунньутугар саҥа 150 миэстэлээх орто оскуола дьиэтэ үлэҕэ киириэҕэ. Тутууну “Үөрэхтээһин” национальнай бырайыак иитинэн туттулар.
Тутуу хаамыытын зампред Сергей Местников бэрэбиэркэлээбит. “Билигин тутуу 74% бырыһыан түмүктэммит, инженернэй ситим тардыллар, уотун тардаллар, тэриллэри монтажтыыллар. Оскуоланы эһиил тохсунньуга түмүктүөхтэрэ”, - диэн вице-премьер Сергей Местников иһитиннэрбит. Маны таһынан, Сергей Местникоа Аллараа Бэстээххэ тутулла турар 240 миэстэлээх оҕо уһуйааныгар сылдьыбыт. “Сказка” уһуйаан номнуо тутуллан бүппүт, ол эрээри, бас билээччи уларыйан билигин үлэҕэ кыайан киирбэккэ турар, бас билээччи ГПЧ ньыматынан туппут. “Билигин уһуйаан “Авангард” СПК ХЭУоҕа бэрилиннэ, бу тэрилтэ уһуйааны 2020 сыл бүтүөр дылы туттарыаҕа”, - диэн Сергей Местников эппит.
