Войти

Войти

Мииринэйгэ хоруона хамсыгар хаптарыы бу иннинэ аҕыс, сэттэ, алта буола сылдьыбыта.

Инфекционнай госпиталь, «Кыһыл ковиднай зона» эбэтэр ыарахан туруктаах ыарыһахтар отделениелара, провизорскай салаа уонна обсерватордар куруук толорулар.Мииринэйгэ, бу уодаһыннаах ыарыы арахсан биэрбэтигэр, куораппытыгар кэлии-барыы элбэҕэ, баахта аата-ахса суоҕа дьайар диэххэ сөп. Ону ааһан туох баар кафелар, остолобуойдар, бэл бассыайыннар үлэлэрин көҥүллээн тураллар.Оскуолалар үөрэнээччилэри урукку курдук үөрэтэллэр. Оҕолор подъезтарга мустуулара кыччаабат.Мииринэй оройуоннааҕы балыыһатын Киин уонна оҕо поликлиникатыгар тоҕуоруһааччылар олус элбэхтэр. Ол сылдьан дьон алҕаска ыарыыны дэбигис хабыахтарын сөп.

Бүгүҥҥү туругунан, куорат аптекаларыгар харыстыыр мааска, дьаҥы утары охсуһар арбидол, курантил эмтэр бааллар, грипп тарҕаныытын утары вакциналааһын кыраапык сиэринэн барар.Мииринэй киин балыыһатыгар кислород ыстаансыйата үлэлиир. Инфекционнай госпитальга ИВЛ уонна да атын тэриллэр туох да харгыһа суох туттуллаллар.Биир сүрүн боппуруос – хоруона хамсыгыгар бу сааскыттан үлэлээбит эмчиттэр, олус диэн илиһиннилэр. Аны кинилэри солбуйар дьон аҕыйахтар. Ким эрэ уоппускаҕа баран сынньаныан наада. Оттон үлэ олус элбэх.Итини учуоттаан туран, Дьокуускайтан, ХИФУ медицинскэй институтун бүтэрбит эдэр быраастары, Дьокуускайдааҕы медицинскэй колледж медсиэстэрэлэрин үлэлэтэ сылдьаллар.Ол да үрдүнэн үлэһит тиийбэт. Оттон балаһыанньа уустук туруга намырыы илик.

Станислав Алексеев. Мииринэй куората. Ааптар фототугар Мииринэй инфекционнай госпитала.

Тарҕат:

Добавить комментарий

Бүтэһик сонуннар