Войти

Войти

“Земскэй учуутал” бырагыраама чэрчитинэн, Саха сиригэр 19 педагог иккилии мөлүйүөн солкуобайы ыллылар. Бу туһунан үөрэх министиэристибэтин пресс-сулууспата иһитиннэрэр.

2020 сылга 19 вакансияҕа 124 киһи киирсибит, онтон 12 квота учуутал ордук тиийбэт Арктика улуустарыгар анаммыта. Миниистир Михаил Сивцев бу бырагыраама сүрүн соруга ыраах сытар улуустарга хаачыстыбалаах үөрэҕи хааччыйар учууталлары өйөөһүн буоларын санатта.

Конкурус түмүгүнэн 19 учуутал икки мөл. солк. ыларга тиксибит, ол иһигэр Саха сириттэн 9 учуутал уонна 10 учуутал атын эрэгийиэннэртэн – Алтаай, Тыва, Калмыкия, Башкортостан, Хотугу Осетия өрөспүүбүлүкэлэртэн кэлбит учууталлар. 2020-2022 сс. маннык 50 квота көрүллүөхтээх: 2020 сылга – 19, 2021сылга – 16, 2022 сылга – 15. Эһиилги 16 вакансияҕа сайаапканы тохсунньу 10 – муусустар 15 күннэригэр хомуйаллар. “Земскэй учуутал” федеральнай бырагыраама тыа сиригэр уонна аччыгый куораттарга үлэлии барар учууталларга туһуламмыт. Бу бырагыраама кыттыылаахтара биирдии мөл. солк. ылаллар, оттон Уһук Илиҥҥэ барааччылар – 2 мөл.солк.

Тарҕат:

Добавить комментарий

Бүтэһик сонуннар